Қазақ деген – MeralyErlikuly

Қазақ деген-кеше кім ед (і),бүгін кім,
Қазақ десең ұялардай бүгінгің.
Еркектерің сырға тағып боянса
Қытайларға түскені ғой күніңнің.

Қазақ деген кеше кім ед(і),бүгін кім
Осыны ойлап болашақтан түңілдім.
Көрінгенге көтендерін көрсеткен
Не басынан ат тепті екен гүліңнің.

Қазақ деген кеше кім ед(і),бүгін кім
Қарттарым-ай неге мұнша сүріндің.
Бата берер ақсақалдар қалмаса
Болашағы не болады ұлыңның.

Қазақ деген кеше кім ед(і),бүгін кім
Қадыріде қалмауда бұл ұғымның.
Аш көзіңді,оян,қара,бағдарла
Естілетін кезі келді үніңнің,
Көтерілер кезі келді тіліңнің!!!