Ұлы сезім – nkartbayeva

Өзіңізді теңейтін ем ұлы ханға,
Басқарған Алтын Орда, жары бар да.
Мені де ұқсатыпсыз сондай ханның,
Тағдыр қосқан қосағы, жан жарына.

Жаз болмайды сарқыраған бұлағынсыз,
Күз де болмас алтын түстес жапырағынсыз.
Қыс болсын ба әппақ, мамық суық қарсыз?
Көктем болмас бәйшешек, күн нұрынсыз.

Құдіретті Тәңірдің жаратқаны,
Қос-қос етіп, байланыс орнатқаны.
Тірі жанға жараспайтын бұл жалғыздық,
Сіз бен бізге тіпті мүлдем жараспайды.

Махаббат-ұлы сезім, Орда ханы,
Ғашық болу-ұлылықтың ұлағаты.
Ақылыммен жүректің шайқасында,
Жеңер әркез жүрегімнің шапағаты.