Тәуелсіздіктің құрдасымын

Мен өлеңмен ашайын сөздің басын,
Тәуелсіздік - мына менің құрдасым
Жырламауға еш хақым жоқ бұл жайлы
91-де перзент болып туғасын.

Тәуелсіздік – мәңгі мақтан,ұраным,
Қазақ үшін қасиетті ұғамын.
Тиек етіп,айтқан әрбір сөзіме
Алашымның ардақ тұтам тұмарын.

91-де дүние есігін ашқанмын,
Шуағына шомылумен ақ таңның
Содан бері бақытты өмір көргенім
Осыменен келіп отыр мақтанғым...

Менің елім батырға бай жан берер,
Салтанаты сәніне де сай келер,
Желтоқсанның құрбандарын еске алып,
Ұрпағына тарих қылып,үлгі етер.

Қасіреттің артқа тастап барлығын,
Артып келед күннен-күнге айбының
Жылдан жылға өсіп келем мендағы
Тыныш заман,бақытқа толы әр күнім.

Тәуелсіздік алған күннен бері қарай,
Биіктерді бағындырдың талай-талай,
Жылдан-жылға өсіп келем жас қосылып
Көркеюде елім менің әрі қарай.

Өз алдына ту,әнұран,елтаңбасы,
Бір мақсатқа жетелейді Елбасы,
Тәуелсіздік тұрақтасын деп тілеймін
Елін сүйген Тәуелсіздіктің құрдасы.


Желбірет мәңгі көк аспанда туыңды,
Жетелеп алға жігерлі қыз-ұлыңды,
Тәуелсіз елім құттықтаймын шын жүректен
27 жылдық мерей тойыңмен бүгінгі!