Туған жер

Туған жерім асыр салып ойнаған,
Сенде өткен әрбір күнім той маған.
Жер бетінде сендей ыстық жер барын
Пейіліңнен ұғындырдың ғой маған.

Сенде тудым, сенде өстім сендікпін,
Құның білмей тәкаппар бола бердік тым.
Перзентіңді кешіре гөр туған жер,
Сенің ыстық мейріміңді енді ұқтым.

Перзентіңмін махаббатыңнан жаралған,
Кездеседі сағынулар сан алдан.
Мен анамнан алған ыстық жылуды,
Туған жерім сенен де оны ала алғам.

Туған жер ол - қасиетті жер Анам,
Туған жер ол - пейілі кең далам.
Туған жер ол - құдіретті, киелі,
Мені қойшы, бллсаң болды сен Аман!