Жаңғыру жолы

Жалындаған, өр қайратты біз жастармыз,
Елімізде үлкен игі іс бастармыз.
Ел ертеңі ол біздің қолымызда
Болашаққа үлкен қадам басармыз.
Ақ арманы апаратын алысқа,
Жас ұрпақтар қыран құстай қарышта
Елімізді жаңғыртудың жолында
Ей, жас жандар бір біріңнен қалыспа!
Өнер, білім баға жетпес асыл байлық,
Бұл байлықпен елімізді жаңғыртайық
Рухымызбен, тілімізбен, дінімізбен
Өркендеп бар әлемді таң қылайық.
Қазақ елі бұл біздерге аманат
Аманатты жүрейікші бағалап,
Сақтайық біз бізге жеткен мұраны,
Жүрмес үшін кейінгі ұрпақ табалап.
Қазақ халқы құрметке мәңгі лайық,
Барлық елмен терезені тең қылайық
Құт мекенім әркез сені мақтан етем,
Жаңғыру деп бар әлемге жар салайық.
Бойымызға кіл жақсыны дарытайық,
Бабалардың аманатын арқалайық,
Қазақ үшін, ел үшін, отан үшін
Жаңа білім ғылымды қарсы алайық!