Қане кеттік ауылға – Болатжан Абдуллаұлы

Міне бүгін атты жаңа таңым да,
Ей достарым, қане кеттік ауылға.
Шаршасаңдар тіршіліктен күйбелең,
Демаласын ауыл дейтін қауымда.

Ауылда бар ата-әжең, туған-туыс, бауырың,
Күтер сені сағынышпен қасиетті ауылың.
Қозыларың, өзің баққан өрісте,
Қане достым кеттік бірге өріске.

Ауыл деген армандардың бастауы,
Ауылда бар жақын жандар, дос-бауыр.
Ауылыңнан ұзай бермей, барып қайт,
Ауылдың да ашылсын бір аспаны.


Ауылыңа барсаң егер қазір бар,
Ертең мүмкін кім бар,кім жоқ, көңіл тар.
Ауылыңда қарттар деген қазына бар,
Ауылыңа барсаң егер қазір бар.