Абай ата

Тәуелсіз ашық аспанда
Шоқ жұлдыз боп жанайын
Тарихтың бетін ашқанда
Тұлғаларға қарайын
Атам қазақ өсірген
Тарландардың талайын,
Мен қалай қазақ боп өтемін,
Жырламай елдің Абайын
Кеудемде отты жандырып,
Құлақ құрышын қандырып,
Атамның жазған жырынан
Дарыпты маған сан қылық.
Қырандай қанат қағысым,
Құлагер іспетті шабысым,
Тым өткір жырын оқысам,
Қайраулы тұрды намысым
Іздемей мінін өзгенің
Абайды оқуды көздедім
Түлеп ұшқанша жаттайын
Дананың қарасөздерін
Бақытты санап бұл таңын,
Биікке көтеріп сұлтанын
Тойыңды тойлап жатыр ғой
Қаймана қазақ ұрпағың

---