Анықтама – moldirqyz

Беймазамын!
Бойымда шыдамым жоқ,
Жауабым жоқ…қоятын сұрағым көп.
Мен сияқты адамдар аз емес-ау,
Өмірде сыңарым көп.
Бақыттымын!
Бақытым –өлең,жырым!
«Бақытсызсың » деп шұқыр төбемді кім?!
Өлең деген –бақытым,расыменен,
Өлең –сырым,өлең-бақ,өлең-мұңым.
Ақымақпын!
Өзгеге барды берем,
Атырамын келесі таңды немен?
Ақымақтық қойды бір ажырамай,
Қалмас-ау мәңгі менен.
Қызғанбаймын!
Түгім жоқ қызғанатын,
(Тек жырым баржүректе із қалатын)
Мен боламын,танып ал,ақ қағазға,
Мәнісі жоқ шимайлар сызған ақын.
Менде жоқ-ау,жырдың бар келешегі,
(Ақылдылар дәл бұлай демес еді)
Бойымдағы төрт мінез жұптасқанда,
Төрт құбылам теңеседі!