Хабарсызбын жағдайыңнан мен мүлдем – Nurbek9523

Сені іздеймін бұрын  жүрген жолымнан,
Қайта айналып келер ме деп соңымнан.
Әлде біреу ұстап жүрме қуанып…
Ең  алғашқы  мен  ұстаған  қолыңнан ?

Не өтті екен менсіз сенің басыңнан.?
Сыр болмаған арамызда жасырған.
Алақаным  аялайтын тарамдап…
Сыйпап жүрме бөгде біреу шашыңнан?

Махаббатсыз  өмір   деген  өзі  не ?
Сыймай  жүрмін  әлем  түгіл  өзіме.
Мың қараса адам жаны тоймайтын,
Қарап   жүрме   өзге   біреу  көзіңе?

Аққум   ең   жүзетұғын " көлің  мен "
Сен  күлгенде  төбемдегі көгім кең.
Құшақтасам айырылғым келмейтін,
Құшып жүрме біреу шыбық беліңнен?

Уәделестік айрылмаймыз "сендім мен"
Күндер қайда тең мұңайып тең күлген.?
Тәтті дәмін ұмытпаймын ерніңнің,
Сүйді ме екен тағы біреу ерніңнен ?

Хабарсызбын жағдайыңнан мен мүлдем...

Авторы: Нұрбек Бекұлы