Бақыт

Мүмкін бақыт аналардың көзінде,
Мүмкін бақыт ұлылардың сөзінде,
Бақыт қайда айтындаршы адамдар
Мүмкін бақыт іздегеннің өзінде.

Мүмкін бақыт себелеген жаңбырда,
Мүмкін бақыт жүрген шығар жаныңда,
Сұрағы бар жауабы жоқ бұл сөздің
Көп бе? Әлде бақыт деген жалғызба.

Бақыт деген сөзді қалай ұғармыз
Бірде күліп ал кей кезде жылармыз,
Әлде біздер байқамадық бұрыннан
Көз ашқалы біз бақытты шығармыз

Мүмкін бақыт әр жазылған жолдарда,
Мүмкін бақыт кітап -кітап томдарда,
Мүмкін бақыт келіп қалар бір күні....
Күтіп -күтіп әбден жаурап тоңғанда.

---