Өлең, жыр, ақындар

Көктем де келер

  • 18.04.2015
  • 1
  • 8
  • 50263
Көп кешікпей көктем де келер енді,
Көгеретін тіршілік көгереді.
Қу бұтағы арса-арса кәрі еменге,
Келер көктем, білмеймін, не береді?
Көп кешікпей көктем де келер енді,
Көгереді ауылдың төңірегі.
Ерте кеткен досымның қабірі тұр,
Келер көктем, білмеймін, не береді?
Көп кешікпей көктем де келер енді,
Барлық нұрын көл-көсір төгер енді.
Сағынышын сарыққан, жапа-жалғыз,
Менің жесір жеңгеме не береді?
Көгереді ..
Барлығы көгереді:
Ой да, қыр да, даланың төбелері.
Әлі құрып баратқан ауру досқа,
Осы көктем, білмеймін, не береді?
Көп кешікпей көктем де келіп қалар,
Есінетіп, есіртіп, ерікті алар.
Азан-қазан аспанның қоңырауы,
Жақсылықтан тұрса игі беріп хабар...



Пікірлер (8)

Еркенур

Жақсы өлең

Карлыгаш

Керемет

Алтынай

Күшті өлең

Жақсыбек

күшті өлең

Сара

Көктем де келер маған ұнады

Айша

Мұқағали Мақатаевтың Көктем де келер өлеңі ұнады

Қалдыбек Айару 5 А сынып

Күшті өлең екен.
Мен ол өлеңді міндетті түрде жаттайтын боламын.

Пікір қалдырыңыз

Құмған алған...

  • 1
  • 7

Құмған алған,
Суға барған,
Сұлуымды сағындым.
Мұқағали Мақатаев

Толық

Өкпелеттім...

  • 1
  • 7

Өкпелеттім...
He дейін, өкпелеттім,
Өкпелетіп қалайша көктемекпін.
Сенің қойған межеңнен аттадым да

Толық

Менің ғасырым

  • 1
  • 5

Кірпікке кір жуытпай,құндақтаған.
Мына өмір, мына дәуір қымбат маған.
Бұл ғасыр, сірә, менің жүрегім-ау,
Тынысын қыбыр етпей тыңдап бағам.

Толық

Қарап көріңіз