Қысқы сезім – Жомарт Калмуратов

Бұл бетте «Қысқы сезім» атты Жомарт Калмуратов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Арналып өлеңдерім қызға дара,
Көңілім қалып қойды мұз далада.
Адамға сонша қайғы беретіндей,
Ғаламда қосылмаған біз ғана ма?

Басы да бола алмаймыз, соңы да біз,
Ортада қалу - сезім соры нағыз.
Ескі үміттерден іздеп бірімізді,
Естеліктерде енді жолығамыз.

Сол естеліктер мендік жанды жеген,
Сөз қайда: "Махаббат бұл - мəңгі" деген.
Отырып күндіз түні сыр айтсақ та,
Өтірік алданыппыз əңгімемен.

Жалғанның байқалады жалғандығы,
Өзіңмен ала кеттің бар мəндіні.
Жандырып сезімімді жүрегімде,
Қалдырдың арман қылып арманды ұлы.

Арманым мақсат болып ұшталмапты,
Аңсап ем бақ құсымыз ұшқан бақты.
Жылылық бергеніңмен жанға жаздай,
Суықты сыйлап кеттің қыстан қатты.

Жоқ болдың, басқа бақ боп орнадың да,
Білмеймін, тойғаның ба? Тоңғаның ба?
Қыстағы қар секілді сендік сезім -
Ұстасам еріп кеткен қолдарымда.

Кетсе де жұбымыз бір құралмастан,
Көңілім басқа жанға жүр аумастан.
Жүрек тұр өкінішпен өрнектеліп,
Қыстағы терезедей қырау басқан...


Пікірлер (0)

Пікір қалдырыңыз

Жиі қойылатын сұрақтар

Қысқы сезім өлеңінің авторы кім?

Жомарт Калмуратов — осы өлеңнің авторы.

Қысқы сезім өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қысқы сезім өлеңі не туралы?

Бұл өлеңде Жомарт Калмуратов өз ойы мен сезімін көркем түрде жеткізеді.

Қысқы сезім өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар