Тәуелсіздікке арнау – Нұрсултан Қожағұл

Бас иіпті саған осы алаңда.
Неге сонша құн жатыр-ау бағаңда?
«Тәуелсіздік» деген сөзді естісем,
Бір кербезді көретінмін ғаламда.

Тәуелсіздік ұлы ұғыммен тең едің,
Мен өзіңді еркіндікке теңедім.
Жыр жазыпты көп ақындар жүректен,
Сол жырларда шырқалатын сен едің.

Теңдігіміз жаһанданып, жандандың,
Күтеміз ғой атуын біз таңдардың!
Пешенеге бұйырыпты көруге,
Айналғанын шын өмірге арманның...

Қазір, міне, тәуелсіз ел жастары,
Жаңа өмірдің қадамдарын бастады.
Бұрынғыдай қараңғылық көгінен
Биік болып, өрмелеуге саспады.

Себебі, біз жас өренбіз, ұрпақпыз,
Қазақ болып еркіндікте тұрмақпыз.
Басымызды біріктіріп әрқашан
Мәңгілік Ел болашағын құрмақпыз.

Ата-бабам алғыс айтам мыңы рет.
Қарайды екен ұл-қыздарың күлімдеп,
Армандаған армандарды бүгінде,
Қуанамыз «Алла берген күнім» деп.

Жасай берші, сондықтан да елдігім,
Өлшенбейді ештеңемен теңдігім.
Біз болмасақ, тәуелсіз ел жастары
Құлпыртады жерімізді енді кім?