Наурыз

Келді наурыз, гүл-көктем,
Төгіледі нұр көктен.
Наурызды тойлайды ел,
Шаттық толы дүрмекпен.
Жаңарды бар тіршілік,
Ағаш-талға бүр шығып.
Алтынкүрек желі ескен,
Бәйшешек гүл құлпырып.
Күн менен Түн теңелді,
Дала нұрға бөленді.
Ұлы күні ұлыстың,
Ел ырысқа кенелді.
Берекенің бастауы,
Тілек айтқан жас-кәрі.
Құшақ ашқан құстарға,
Туған елдің аспаны.
Мейіріммен астасқан,
Ізгілікпен достасқан.
Ән шалқытып, күй тартып,
Наурызда ел бас қосқан.

(балаларға арналған тақпақ)

---