Өлең, жыр, ақындар

Жалғанда ауыр немене (терме)

  • 19.03.2020
  • 0
  • 0
  • 2069
Жалғанда ауыр немене? –
Әкенің салқын назары.
Көз тоймас асыл немене? –
Ананың жарқын ажары.
Сұлулық, шіркін, немене? –
Сағынып қайтсаң алыстан
Ақ жаулық тартқан немені.
Кеңшілік деген немене? –
Кешірім берсе бұлданбай
Ақымақ болған немеге.
Жастық деген немене?-
Күнде думан, күнде той,
Келгендей барып Кебеге.
Ата-ана айтқан жөн сөзді
Піспеген ақыл сезе ме.
Болашақ деген немене? –
Ұлыңнан туған немере.
Қарттық деген немене? –
Тәй-тәй басқан шөбере.
Өмірден өту немене? –
Қайғырған халық сен үшін
Жан-жаққа тарап кеткенде,
Төмпешік жатқан төбеде.
Жүректен шыққан шын сөзді
Жеткізген жырлап халқына –
Болмаса соқыр сезімі,
Жыршыны кісі сөге ме?!.



Пікірлер (0)

Пікір қалдырыңыз

Ана шашы

  • 0
  • 0

Қиындықта қым-қуыт жасымаған,
Ей, адамзат, не деген асыл анаң!
Тірі тарих секілді көрінеді
Асқар таудай ақ қарлы шашы маған.

Толық

Жол үстінде

  • 0
  • 0

Ойға батқан мен едім жол үстінде,
Созылатын үш күнге, жол, үш түнге.
Өмір қысқа, таусылар осы жолдай,
Шарасынан сол өмір мол іштім бе?

Толық

Бабам салған ән-сарын

  • 0
  • 0

Асаулау бұл ағаның әні тентек
Жатыр ма буырқанып, жаны, сенсек
Толқиды күй мұхиттай көкірегі —
Солай деп, Нұрекеңді, таны сен тек.

Толық

Қарап көріңіз