Өлең, жыр, ақындар

Ана тілім

  • 19.03.2020
  • 0
  • 1
  • 3267
Атыңнан айналайын, Ана тілім,
Себеп боп, сенің, өзің жаратылдым.
Әлемде небір ғажап сұлулық бар,
Ішінде барлығының дара тұрдың.
Сен келдің тентек ұлға арашаға,
Жұбаттың жылай қалса бала-шаға.
Қамқорсың зорлық көрген нашарларға,
Биіктен қорлық көрген аласаға.
Қайтардың жалғыз сөзбен қалың жауды,
Үйреттің ар сатпауды, жалынбауды.
Ерлікті, дос-дұшпанға таба болмау,
Тағы да мәрттік, кеңдік, тарылмауды.
Түйінін түйе түстің құптап сырдың,
Ұғынтып ұл-қызыңды жұптастырдың.
Басатын бауырына көрген сайын
Анама дәл өзімнің ұқсап тұрдың.
Атыңнан айналайын, Ана тілім,
Өзіңмен бүгін тағы таң атырдым.
Самғашы биігінде бар өнердің,
Болайын қауырсыны қанатыңның!..



Пікірлер (1)

Ералхан Бибісара

Өте жақсы әсерлі керемет өлең екен

Пікір қалдырыңыз

Бас кәсіп

  • 0
  • 0

Зәтiм қазақ тамыры тереңдегi,
Әлiмсақтан мал бағып, жер өндедi.
Аңыз айтып, термелеп, жырлап өткен,
Кәсiбiнiң бастығы өлең бе едi?!

Толық

Түн

  • 0
  • 0

Аспаның анау, лаулатып сансыз отты үрген,
Жымыңдап жұлдыз бәрін де көрдім деп күлген.
Қысылар жан жоқ, екеуден екеу қалғанда
Бақытты сол жан, сезімге тәнді өлтірген.

Толық

Абай жылына ода

  • 0
  • 0

Өтіп бара жатыр бүгін бір жылым
"Шабыт жүген намыс мінген" жыр-жылым!
Байтақ Отан, шексіз Әлем — Сенің де,
"Абай" деген саңқ-саңқ етіп тұрды үнің!

Толық

Қарап көріңіз