Өлең, жыр, ақындар

Жыр жазайын адалға аузым толып

  • 20.03.2020
  • 0
  • 0
  • 761
Нан жоқ. Аштық. Аштардың қарны ашады...
Май бар. Бал жоқ – тоғышар зарлар шағы.
Тауып берші, етегі жасқа толып –
Сұрар, жылар, көз жасы парлар тағы.
Адамнан бал, Құдайдан жан сұрайды,
Шайқасады, дал-дұл боп қансырайды.
Аянбайды. Шаш жұлып бет жыртысар –
Ар салмағы, жанымды жаншылайды.
Өлі жатып, немесе тірі жолық,
Тоғышарға – қураған ары солып:
Мүрде тәнін тонайды, тірі жанын,
Асып жатсын басынан бәрі толып.
Тоғышардың қайғысы – тоқшылығы,
Кімді қинар ар, ұждан жоқшылығы?..
Ана тілмен, ақ сүтпен ауызданшы,
Айналайын, жас ұрпақ, – ұқшы мұны!
Май жемей-ақ қояр ем аузым толып,
Бас тігемін қатерге жаушың болып.
Тек, қарындас, жаныңды таза ұста,
Жыр жазайын адалға аузым толдып.



Пікірлер (0)

Пікір қалдырыңыз

Біздің ауыл

  • 0
  • 0

Тау болмайды бiздiң елде көк сеңгiр,
Ал төбе бар адам аяқ баспаған.
Сол ауылдың магнитi, сенсеңдер,
Шақ келе алмас, қала түгiл, астанаң.

Толық

Жұмыр жер сенің бесігің

  • 0
  • 0

Жұмыр жердің бесігіне бөлендің,
Ұлы, қызы жер емшегін тел емдің.
Барлық адам туыс маған көрінер:
Ақ-қарасы, жас-кәрісі әлемнің.

Толық

Ана-құдірет

  • 0
  • 0

Құдіреттің белгісіз бір күші ме?
Кіріп-шықпас ғажаптар көп түсіңе.
Ойламаған жерден ылғи шығатын
Табиғаттың таң қаламын ісіне…

Толық

Қарап көріңіз