Өлең, жыр, ақындар

Жұлдызым — "Егіздер"

  • 17.04.2020
  • 0
  • 0
  • 1839
Білеміз, сірә, не біздер!?
Сүйенген шығар негізге ел.
Жорамал айтып жатады...
Жұлдызым менің - "Егіздер".

Бойымда жүріп бір ағын,
Толғанып, іштей тынамын.
Келесің көзге көрінбей,
Қайдасың, айтшы сыңарым?!

Қос ішек, күй боп тіл қатты-ай,
Үйлесіп егіз ырғақтай.
Жұлдызым тұрды жарқырап,
Шешуі қиын жұмбақтай.

Түсінбей келем, түкке анық,
Қолға алған ісім құпталып...
Қос аққу сынды көлдегі,
Жата ма ойым жұпталып.

"Егіздер" сырын, себебін,
Келмейді тіпті елегім.
Қасымнан кетпес қашан да,
Егізім менің - өлеңім!

Тақ болған қандай, бақ қонбай...
Жеткізе көрме шаққа ондай.
Өмірде жүрсем арман не,
Жалғыздық, саған тап болмай!



Пікірлер (0)

Пікір қалдырыңыз

Дала

  • 0
  • 0

Мен бүгін
Бастан кешіріп тұрмын
Бұта саусағының сезімін
Көшкен бұлтқа бір қарыс жетпеген

Толық

1782

  • 0
  • 0

Мұнарасын тұман қамаған мешіт,
Пəрəнжі киген қарындасымдай, меңді.
Бір кездердегі нəп-нəзік үміт
бүгін шыдам кейіпіне көшіп,

Толық

Каспий. Қызыліңір

  • 0
  • 0

Бұрынғы өмір.
Бұрынғы ауыл.
Бұрынғы ән...
Бұрынғы Күн, көкжиекке тығылған.

Толық

Қарап көріңіз