Өлең, жыр, ақындар

Пәле мен Пеле

  • 05.05.2020
  • 0
  • 0
  • 1128
Бразилия!
Жерің байтақ, кең елің,
Кім білмейді
Амазонка өзенін,
Ес білгенде
Естіп едік алыстан,
Есімдерін
Гарринча мен Пеленің!
Теңбіл допты
Өнер көрген өрен көп,
Бала күнім,
Ертелі, кеш тебем кеп,
Ағаларым
Мақтаушы еді мені де,
Пәлі! Пәлі!
Мынау пәле!
Пеле деп!
Не бір патша
Арманына жетпеген,
Ала алмаған
Жердің жүзін отпенен,
Пәлі !
Пәлі!
Пеле қандай пәле еді,
Жұмыр жерді
Шыр айналған доппенен!
Ала допты аялаған
Алақан,
Маракана,
Мадақнама,
Дара, паң,
Теңбіл доптың
Сиқырына арбалып,
Мұратына
Талаптанған балақан.
Жас талаптың
Көзінен от көремін,
Жоқтан емес,
Доптан тапқан керегін,
Жерге түспей,
Шыр айналып жүр әлі,
Әуелетіп
Тепкен добы Пеленің!



Пікірлер (0)

Пікір қалдырыңыз

Берлинде: Адасу мен жол табу

  • 0
  • 0

Ұмтылыңдар,
Көп тіл білсең, қор қылмас,
Біреу езіп,
Миларыңа бор құймас,

Толық

Тонға оранған балалық

  • 0
  • 0

Сары аязда
Сабан иісі бұрқыраған әкеміз,
Сырттан кірсе шұрқырасып,
Біз таласа жетеміз,

Толық

Игілік

  • 0
  • 0

Шынар ағаш шыңға құмар,
Сыршыл ақын сынға жылар,
Міншіл адам күншіл келер,
Мұңшыл адам құмға құлар,

Толық

Қарап көріңіз