Алпыс асқар

Қайырбай Төреғожинға

Жасыңнан сүйдің
Атадан қалған
Аңыз бен өлең,
Ән, күйді,
Сен жүрген жол да,
Бір бөлек тарих сан қилы,
Ұядай жылы,
Ұяңдау, мұңлы,
Табиғи жырдан сен жазған,
Жауынның иісі,
Бауырдың иісі,
Ауылдың иісі аңқиды!
Қайырбай інім,
Атың да қайыр,
Зайырлы затың, шайырсың,
Туған жер үшін
Қиынға қандай дайынсың,
Байырғы заман
Байлары құсап
Балпаң да балпаң баса бер,
Бәйтерек болып,
Өркенің өсіп,
Тамырың терең жайылсын!

---