Қоштасу – Баянғали Әлімжанов

Бір өзіңді сүюменен өтем деп,
Жүрегімді алып едің мекендеп,
Жылдар бойы өзім болып жүрдің де,
Бір-ақ сәтте кете бардың бөтен боп!
Бөтен болып шыға келдік бір күнде,
Өзек болып қаңқу менен күңкілге,
Өткен күнді қанша ұмытқың келсе де,
Өміріңді сызып тастау мүмкін бе?!

Қайырмасы:
Амалым не, өтті бәрі өзгерді,
Көктем бітіп, қоңыр салқын күз келді,
Адам болып қосылып ек әуелде
Адам болып қоштасайық біз енді!

Көп алдында күлімдеген күн қайда,
Екеуіне не болды деп жұрт ойда,
Енді бірге көше бойлап жүрмейміз,
Енді бірге билемейміз бір тойда!
Сенен артық жан жоқ деуші ем өмірде,
Бейнең қалды, өшпей мәңгі көңілде,
Сен де маған назалысың, білемін,
Саған деген өкпем аз ба менің де!

Қ-сы: