Өлең, жыр, ақындар

Досым–ай

  • 05.05.2020
  • 0
  • 0
  • 1918
Есіңде ме досым – ау,
Бірге өткізген шат күнің,
Бірге ұмтылып арманға,
Бірге іздеген бақ гүлін!

Таңғажайып әлемде,
Таңғалумен ән салдық,
Арман жолын таңдаумен
Ақ таңдарды қарсы алдық!

Қайырмасы:
Қандай едік бір кезде,
Қайран менің досым-ай,
Баяғыдай өзіңе,
Менің көңіл хошым-ай,
Қол бұлғаймыз алыстан,
Басымыз бір қосылмай,
Амалың не, досым-ай,
Шіркін өмір осылай!

Өкінуге бола ма,
Өмір зулап өттің деп,
Өкпелейміз кейде біз,
Хабарласпай кеттің деп!

Сенің айтқан сырларың,
Жүректе тұр жаңғырып,
Өзгермейді шын көңіл,
Нағыз достық мәңгілік!

Қайырмасы:



Пікірлер (0)

Пікір қалдырыңыз

Тамшылар

  • 0
  • 0

Тереземнің түбінде,
Тырсылдайды тамшылар,
Бізге қиял – ғажайып,
Табиғатқа заң шығар.

Толық

Үрей мен үміт

  • 0
  • 0

Дүние дүрліккенде дүлейлене,
Буады бойымызды үрей неге?
Жегідей жеп қояды уайым жанды,
Үгіліп өз-өзіңнен жүдей берме!

Толық

Қызғаныш

  • 0
  • 0

Жүйріктің
Сүйіне алмай жорғасына,
Біреу шықса
Бір сәтке жол басына,

Толық

Қарап көріңіз