Ол осындай қыз – Бибіт Нұрмұхан

Ол өзгеге ұқсамайтын өлеңім,
Ол өзгені керек етпес теңеуім.
Менің ғана бақ боп қонар басыма,
Сыр сымбатты қарапайым гөзелім.

Ол қайғырса әлем бірге жылайды,
Ол күлгенде ғалам оны тыңдайды.
Мұң торласа ғазиз жүзін, аяулы,
Көк аспанда көздің жасын бұлайды.

Анық басып әрбір жүрген қадамын,
Тура жолды шариғаттан табатын.
Қаза қылмай әрбір парыз намазды,
Шын ниетпен құлшылығын қылатын.

Мойымайтын келсе сынақ басына,
"Жасу" деген жуымайтын қасына.
Жаныныңда тазалығы ақ қардай,
Дақ түспеген әлі таза арына.

... Өзге жандар өгей үнмен тілдесер,
Менің жаным сол арумен үндесер.
Шын жүрекпен құлай сүйгем мен оны,
Сүйгенімді түсінетін кез келер.