Өлең, жыр, ақындар

Қадам бастың, құлыным

  • 04.07.2020
  • 0
  • 0
  • 1220
Қадам бастың, құлыным,
Қадам бастың...
Жөргегіңнен бір сүйем араңды аштың.
Түкке тұрмай қалғандай қасында оның,
Бұған дейін қуантқан,
Бар «алғашқың...»
Нәрестелік бұғауын талқандаған,
Қадамына бақ тіле,
Дархан далам....
Туған жерден сүйеніш,
Демеу тауып,
Жүрісіңнен айналдым, қалтаңдаған...
Аяғыңды бір бастың...
Екі бастың...
Міне, енді оған да жетіп, астың...
Сеземісің сен өзің, боташым-ау, десіп,
Балалықтың алғашқы бетін аштың...
Ала жіптен арнайы тұсауды есіп,
«Құдіретті, табиғат күші-ау,» – десіп
Біз отырмыз мереке тауып енді,
Қадам құтты болсын деп,
Тұсау кесіп...
Қадам бастың,
Бір күні жүгірерсің,
Дулы топқа ду болып бірігерсің.
Кез де келер балалық қызығына,
Маңыз беріп,
Үлкен боп үңілер шын.
Кездестірмей өмір еш түнегіне,
Қарашығым,
Жет менің тілегіме.
Ойлаған сәттеріңде балалық шақ,
Жылылық қана құйсын жүрегіңе...



Пікірлер (0)

Пікір қалдырыңыз

Тәтті ұйқыда жатырсың балбыраған

  • 0
  • 0

Тәтті ұйқыда жатырсың балбыраған,
көзім тоймай қараймын келбетіңе.
Күн астында жаралған барлық адам
неге әртүрлі деймін мен енді өкіне.

Толық

Мұнайшы

  • 0
  • 0

Аңыз өмір
Ғұмыры оның аңыз ба,
Ертегі ме,
Шықты, әйтеуір,

Толық

Жар сөзі

  • 0
  • 0

Қайтемін мен, сен үшін жылаймын ба,
қатар жүзген аққу ек бір айдында.
Басқа жері жоқ па еді, неге ғана
кездестірді біздерді құдай мұнда?!

Толық

Қарап көріңіз

Басқа да жазбалар