Өлең, жыр, ақындар

Алғадай туралы әрбір ой

  • 22.08.2018
  • 0
  • 8
  • 37852
I
Түне күнгі кеткеннен
Ғали жаңа келдің бе?
Алғадайдың мүрдесін
Жол-жөнекей көрдің бе?
Топырағың торқа боп,
Тыныш ұйқта дедің бе?
—Қалай қыйып қалдырдың
Қарт әкеңді еліңде?
Елжірейді өзегім,
Ауырады белім де...
Қаза болып көзелім,
Халім қыйын менің де.
II
Алатауды айналсам,
Алғадайды табам ба?
Сары-Арқаны сандалсам,
Саңлағымды табам ба?
Өлім деген у екен,
Мендей кәріп адамға.
Күнде үйімде күңренем
Көзіме жас алам да.
III
Құр сүлдерім, есім жоқ,
Жүріп тұрған десім жоқ.
Деп қараймын сәбиге:
«Игіліктің кеші жоқ!»
Бала қалды жетім боп,
Келін қалды жесір боп,
Біздей кәріп кісіге
Көз салыңдар есіркеп.
IV
Темір өзек пенде жоқ,
Өлмес адам елде жоқ,
«Орынсыз деп өлімі»,
Ондай ойлау менде жоқ.
Көп жайланған жабының
Жал-құйрығы сұйылар...
Сол сыяқты Жамбылдың,
Жұқарыңқы түрі бар.
Көңілі бос — кәрінің,
Көкейлерің ұғынар,
Көтермей жан жалынын,
Көзден жасы құйылар.



Пікірлер (8)

Диана

Өте керемет өлең

Диана

Менин пикирим Жанбыл Жабаев оте керемет акын,жырау,жыршы маган осы оленниде унады оте керемет.

айжан

өте керемет

ДАРЫН

Өте жақсы100%

айнур

керемет

Санжар

Өте керемет, бірақ кейбір сөздері өте қиын, сабақта жаттауға беруге ұсынбайбын

Айзере

Мәнерлеп оқу сайысына ????????

Сұлтанбек Раяна

салқын келіп тоң-торыс

Пікір қалдырыңыз

Мәстек пен тұлпар

  • 0
  • 0

Ертеде ерте-ертеде
Астыма менің мінгенім:
Тұлпар емес мәстек ед,
Шүу-шүулеп әрең жүргенім,

Толық

Жылқышы

  • 0
  • 8

Сары түнге сарылып, кірпік ілмей,
Салқын күзде бір жылы үйді білмей,
Сахарада салақтап күндіз-түні,
Бұралқы ит пен малшының сиқы бірдей.

Толық

Болат тонды батыр

  • 0
  • 0

Батырларын елімнің,
Бағы ашылған жерімнің
Бір емес, мың жырлағам.
Ер боп туған жастарым,

Толық

Қарап көріңіз