Қаладағы қаптап кеткен шыршалар

Қаладағы қаптап кеткен шыршалар
Тәуелсіздік мерекесін тұмшалар.
Жасы жетпей қыршынынан қиылмай,
Жақсы еді ғой орманында тұрса олар.

«Ағаштарды тамырынан айырған
Жөн емес!» – деп қызыл тілім ойылған.
Шыр айналып, қу таяққа табынған,
Өзге жұрттан бар ма сенің айырмаң?!

Шыршалардың жасыл түсі сарғайып,
Қалтыраса, кескен жанға бар ма айып?!
Шыбықтарды қызық үшін қырқып ап,
Сол шыршадай көктей солып қалмайық.