Ақылбек Шаяхмет

Жеріміздің жазылмаған жарасы

Бұл бетте «Жеріміздің жазылмаған жарасы» атты Ақылбек Шаяхмет жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

18.07.2020
0
0
1566

Жеріміздің жазылмаған жарасы,
Жерлестердің кінәсі мен күнәсі,
Шоқан менен Ыбырайдың наласы,
Ахметтің, Бейімбеттің ызасы,
Елдес пенен Міржақыптың қайғысы,
Өзімнің де басымда тұр, қарашы!

Ақсұлудың тыңдалмаған жырлары,
Әбілахат ағамыздың мұңды әні,
Өзіп қалған жазудайын құмдағы,
Жайсаңбектің айтылмаған сырлары,
Тағы менің егілтеді жанымды,
Күз келгенде күйзелгендей жыр бағы.

Сахнаға Елубай мен Серке кеп,
Бір жағынан Қапан тұрса ентелеп,
Театрдан Сәбит пенен Ғабитты
Жандайшаптар қуып шықса желкелеп,
Өксік келіп тіреледі алқымға,
Неге елімде жүре алмаймын еркелеп?!

Көсемдер көп, қайсысына ерейік,
Мылжыңдаған езге қалай сенейік?!
Кеңкелестер ақыл айтып данаға,
Арамдардың жүрген жолы кеңейіп,
Қыран ұшқан, арлан жортқан далада
Шибөрілер кеткен екен көбейіп.

Ақылбек Шаяхмет жер жара жеріміздің жазылмаған жарасы Ақылбек Шаяхмет өлеңдері

Пікірлер (0)

Пікір қалдырыңыз

Жиі қойылатын сұрақтар