Қарлығаш бұлттар үдере көшті аймақтан – Зайда Елғондинова

Бұл бетте «Қарлығаш бұлттар үдере көшті аймақтан» атты Зайда Елғондинова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 25.07.2020
  • 0
  • 0
  • 1150
Қарлығаш бұлттар үдере көшті аймақтан,
Сауыры тершіп, сілкінді үнсіз қаймақ таң.
Көгеріп дарақ көктем деп күліп, күрсінді,
Көрінді-ау күн де күлшедей болып май жаққан.

Сәулесі күннің сәбидей қызық ашқарақ,
Әулие құстар қалқиды көкте ақ қанат.
Бас шайқап қайың, тамашаға мына таң қалды,
Бой түзеп жатыр, сәмбі талдар да шаш тарап.

Ақжелкен бұлттар қалқыды көкте, жаумады,
Жаныма жақты наурыздың самал саумалы.
Ақ кеме сынды айналам көшіп барады,
Қайнаған өмір Есентайдың аумағы.

Үдере көшті көліктер бүгін, қала дүр,
Күркіреп күндей жаңалық ашты жаңа бір.
Қаптаған халық, май жұтқан көлік, ғажабы,
Есентайда мына адасып титтей дала жүр.

Ғажайып түстің құшағына құлап, енді өмір,
Тершітті таудың қабағын сүйіп теңге нұр.
Көктемін іздеп сабылған салқын ғаламнан,
Құмары қанбай, қызылсыраған мен де пендемін.


Пікірлер (0)

Пікір қалдырыңыз

Жиі қойылатын сұрақтар

Қарлығаш бұлттар үдере көшті аймақтан өлеңінің авторы кім?

Зайда Елғондинова — осы өлеңнің авторы.

Қарлығаш бұлттар үдере көшті аймақтан өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қарлығаш бұлттар үдере көшті аймақтан өлеңі не туралы?

Бұл өлеңде Зайда Елғондинова өз ойы мен сезімін көркем түрде жеткізеді.

Қарлығаш бұлттар үдере көшті аймақтан өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері