Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Кеңшілік Мырзабеков

Апа, сен ерте қартайма

Бұл бетте «Апа, сен ерте қартайма» атты Кеңшілік Мырзабеков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.08.2020
0
0
3850

Апа, сен ерте қартайма,
Қарқара жаулық салынып,
Апа, сен ерте қартайма,
Қара шалыңды ойлап сағынып.
Сағынба деп те айта алман
Отасқан отыз жылыңды.
Қара шаңырағың шайқалған
Қара шал кеткен күніңді.
Күнде ойлай беріп қайтесің,
Бақыты жансын бұл күнде.
Тағдырдың көрдің тәйкесін,
Бүгін де көрдің, шігін де.
Бесікпен мені белге орап
Соғыс жылдары шығырдан
Қайтқанда, сәби жол қарап,
Жүрегің соған жылынған.
Атаңның әлде «тәубесі»,
Ақ пиғылы ма келіннің?..
Сол екі тілек тоғысқан,
Әкемді әкелді соғыстан
Көретін жарық сәулесі
Қарындас-інілерімнің.
Ұлдар да тудың, қыз да ерді
Соңыңнан сенің «апалап».
Сен өсірдің ғой біздерді,
Өсірді жарқын махаббат.
Қаншамыз кеттік жер тартқан,
Қаншамыз аман-сау қалдық.
Басыңа тартқан ақ шаңқан
Аналық туың – ақ жаулық.
Қара шал тілсіз кетті ғой,
Тосылмас жерден тосылар,
Тағдырдың кейде өші бар.
Сонда бір жалғыз сөйлемге
Екеуің де зар болдыңдар,
Сағынта қалса сол жылдар
Қара шалыңды есіңе ал!

Кеңшілік Мырзабеков апа соғыс қарттық сен ерте қартайма Кеңшілік Мырзабеков өлеңдері

Пікірлер (0)

Пікір қалдырыңыз

Жиі қойылатын сұрақтар