Өлең, жыр, ақындар

Жүрек

  • 01.09.2020
  • 0
  • 0
  • 1180
Бәріміз де Адамбыз жүрегі бар,
Кермек дәмін тірліктің білер, ұғар.
Бірі бірақ шын күліп, шын жылайды,
Жүре күліп, біреуі жүре жылар.
Барлық жүрек соғады бірдей бірақ,
Бірақ, бірақ бермейді бірдей қуат.
Бірдей ысып, суынар барлық жүрек,
Барлық жүрек тұтпайды бірдей мұрат.
Түсі бірдей, түрі де, көлемі де,
Ісі бірдей игерер денені де.
Біреулерге езіліп ет жүрегің,
Жібімейді біреуге, себебі не?..
Алпыс алты тамырдың бәрін бірдей
Әдіптеген тіршілік «тәңіріндей».
Тілсіз жүрек, бірақ та сол жүректің
Бәрімізге әмір жоқ әміріндей.
Ақыл ісін жүрекке артамыз да,
Жүрек жара қуанып, қорқамыз да,
Жұдырықтай жүректі додаға сап
Өтеміз Өмір деген ортамызда.



Пікірлер (0)

Пікір қалдырыңыз

Шалғындар әбден орылып, орны қалған мезгілде

  • 0
  • 0

Шалғындар әбден орылып, орны қалған мезгілде
Шашадан шыққа малынып, қоңыр қырларды кездің бе?
Тозбаған жердің топырағы жатыр ма екен бозарып,
Туған жеріңді осы сәт сағынғаныңды сездің бе?!

Толық

Туыс қан туралы баллада

  • 0
  • 0

...Әкем менің соғыстан тірі келді,
Үміт дүние-ай, жанданды, жібиді енді.
Сегіз құрсақ көтерді шешем сосын,
Тәй-тәй басып өстік біз ұлы жерді.

Толық

Нөсерлеп өтті жаңбыр

  • 0
  • 0

Нөсерлеп өтті жаңбыр,
Аспанды күркіретті.
Көкжиек ала шабыр,
Астарын жыртып өтті.

Толық

Қарап көріңіз