Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Өмірде бәрі болады

Кеңшілік Мырзабеков

Өмірде бәрі болады

  • 02.09.2020
  • 0
  • 0
  • 2832
Өмір ғой өмір, өмірде бәрі болады,
Өмір бойы адам өмірден тәлім алады.
Өзекті өртеп кімде-кім сүйе білмесе,
Тіршілік сырын тап басып танымағаны.
Өмір ғой өмір, өмірде алдау жүрмейді,
Алдырмайды өмір, алдануды өмір білмейді.
Өмірді алдау өзіңді алдау емес пе,
Өз-өзін алдап ешкім де өмір сүрмейді.
Өмір ғой өмір, өксітіп өкіндіргенмен,
Жылатып алып, жұбатып жетілдіргенмен,
Бір күні сыртын, бір күні бетін бергенмен,
Ығыңа жүріп, ықтиярыңа көнгенмен,
Ойнама бекер өмір дейтұғын мергенмен.

Кеңшілік Мырзабеков Өмір өмірде бәрі болады Кеңшілік Мырзабеков өлеңдері

Пікірлер (0)

Пікір қалдырыңыз

Мен – жастық, мен – жиырма бес, менің күнім

  • 0
  • 0

Мен – жастық, мен – жиырма бес, менің күнім
Құрлықтар құдіреті боп көрін бүгін.
Құлпыртқан туған елді қызуымның
Уақыт, сен берерсің көрімдігін.

Толық

Өліара найзағайы

  • 0
  • 0

Наурыз бенен өліарасы сәуірдің
Сілкінетін кезі көктем – дәуірдің.
Қоңыр төске қонар кезі ауылдың,
Қунар кезі көктем күткен қауымның.

Толық

Түс

  • 0
  • 0

Көк аршасын Тосынның
Көрем кейде түсімде.
Көкорай құм – жасыл құм,
Жүрем соның ішінде.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер