Шашыңа ақ кіріпті ғой, айналайын-ай – Кеңшілік Мырзабеков

Шашыңа ақ кіріпті ғой, айналайын-ай,
Уақыт сені де жіпсіз байлағанын-ай.
Өмірге опынушы едің, опасыз жалған
Осқылап «бет-жүзің» демей ойнағанын-ай...
Өмірге опынушы едің, беу, қарағым-ай,
Тәніңді тәттісіменен аулағанын-ай.
Санаңды ащысыменен тұздықтағаны-ау,
Сөйлеуші ең «әйге» қарамай, «шайға» қарамай.
Санаңды ащысыменен тұздықтаған-ау,
Мән бермей қарайсың түрлі қызыққа мынау,
Шашыңа ақ кірген сайын аяусыз уақыт
Аяулы сезімдеріңді сүзіп қалады-ау.
Аяулы сезімдеріңді сүзіп қалады-ау,
Жүректе күрмеу де күрмеу үзік қалады-ау...