Үнің тәтті не деген

Үнің тәтті не деген,
Таңдайымда еріген.
Тыңдаушыңды деме кем,
Күні жоқ қой жеріген.
Үнің тәтті не деген?!
Жігіт өмір – бақша гүл,
Құшағында ырғалам,
Шіркін, қиял ақ сағым,
Басын иіп тұр маған.
Үнің тәтті не деген?!
Шомылдырып аспан бір,
Ақ төсіме құлатты ай.
Сен бір әсем дастан-жыр,
Сылдырлаған бұлақтай.
Үнің тәтті не деген?!
Жігіт өмір – бақша гүл,
Көз алдымнан аумаған.
Арман атты ақ сағым,
Жүрегімді жаулаған.
Үнің тәтті не деген!..