Жапырақ пен жапырақтар – Арман Әділбек

Бұл бетте «Жапырақ пен жапырақтар» атты Арман Әділбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 03.10.2020
  • 0
  • 0
  • 1349
Күз,
Жапырақтар талықси құлап жатыр,
Жел олармен ойнағанды жақсы көретін,
Ұдайы,
Көктемде де…
Олардың да ең жақын досы жел еді,
Әне, енді оларды оятқысы келіп жан ұшырады,
Оятқысы келеді бір рет болса да.

Олар желдің құшағында соңғы рет тербеледі,
Соңғы рет сыбдырласады,
Соңғы рет құлайды,
Соңғы рет ұшады,
Соңғы рет күледі,
Соңғы рет құлазиды.

Олардың бәрі жалғыз,
Ешқашан қайталанбайды,
Біз сияқты бір-ақ рет өмір сүреді.

Олар көп.

Келесі көктемде олардың орнына жаңа жапырақтар шығады,
Жаңа жапырақтар,
Бала жапырақтар,
Олар да күзде қурамақ,
Олар да соңғы сәттерін өткізбек,
Бірақ, олардың соңғы сыбдыры,
Соңғы үні мынау жапырақтардікіне ұқсай ма екен деші?

Бұл бір азалы мезгіл екен,
Айналада қалқыған азалы күбірлер көзіңді жанай ұшады екен,
Көкірегіңді шимайлайды екен,
Қолыңнан жетелейді екен.

Көзімнің ішіне күз көшіп алған сияқты,
Көзімнің ішіне жапырақтар құлап жатқан сияқты,
Сұп-суық жапырақтар.


Пікірлер (0)

Пікір қалдырыңыз

Жиі қойылатын сұрақтар

Жапырақ пен жапырақтар өлеңінің авторы кім?

Арман Әділбек — осы өлеңнің авторы.

Жапырақ пен жапырақтар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жапырақ пен жапырақтар өлеңі не туралы?

Бұл өлеңде Арман Әділбек өз ойы мен сезімін көркем түрде жеткізеді.

Жапырақ пен жапырақтар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері