Генадий Головкиннің жанкүйерлеріне – Абдулмахмуд Пошатаев

Жеңілсе құны қашып ұнайтының,
Не әдет ол жабылып сынайтының?
Алланың әміріне шараң бар ма,
Қайғылы хабар емес жылайтұғын.
Біреудің бағы шабар, ебі ме еді?
Жаңсақ пікір шаршатты тегі мені.
Өмірің де ақ-қара жолдан тұрар,
Біреу жеңер,
Ал біреу жеңіледі.
Ұланым ғой,
Бәрібір жаттан жүйрік.
Бабың да бола алмайды бақтан жүйрік.
Таразының оң солын пайымдамай,
Бұйрады дедің- ау батпан құйрық.
Бітерем деп осымен бір ісіңді,
Барды салып тіктің ау тігісіңді.
Жинаған қаражатың желге ұшты,
Теңге салған ыдыстың түбі сынды.
Орындалмай аһ ұрдың, діттегенің.
Оңай жолмен мол қаржы күткен едің.
Дүние боқ,
Бір құдай сақтағаны ай,
Дұрыс бопты басыңды тікпегенің.
Биік шыңда байқамай тау етегін.
Өмір жұмбақ,
Аллаға тәу етемін.
Шампан ішем- деп едің, әттеген ай,
Тақырға отырғызды тәуекелің.
Болса да түрткілеген сенім іште.
У қосқан су,
Сен оны сеніп ішпе.
Жеңіспен өмір сырын ұға алмайсың,
Өмірдің мәні жатыр жеңілісте.