Денис Тенді аза тұту – Абдулмахмуд Пошатаев

Айдынын тастап ұшты аққу арман.
Қаңқылдап өте барды гәкку жалған.
Бақа-шаян ылайлап тұнығыңды,
Иір-иір іздерді аққу салған!
Сұм дүние,
неліктен ғасыр жалған?
Дарабоз ең талай шың, асуды алған.
Кезегімен мәнерлеп сырғанамай,
Шыр айналып өтті ғой ғасыр жалған.
Жүретін зар заман ай, пайдасына.
Тіршілігі жетпей жүр қай басына?
Айнаң да, көлігің де садаға кет,
Нең бар еді,
Қазағымның «Айнасында?»
Пенделер неге жауыз, «Тағы» неткен?!
Не сұрайсың қаншерден, нағылеттен.
Бақұл бол,
Алла алдыңнан жарылқасын,
Шоқ жұлдызы халқымның, ағып өткен.