Мұңын көріп, жырын көріп басқаның

Мұңын көріп, жырын көріп басқаның,
Жамандықтан тоныңды ала қаш, жаным.
Санамдағы сарсып кеткен ойлардың,
Тысын сөгіп, бүтіндеші астарын.
Күлімдейсің, нұр төгіліп дидарың,
Саған ғана бұйырсыншы жиғаным.
Жаны ашитын жарым едің, жарқыным,
Жүрегіңмен жақсы көріп, сүй жаным.
Дұшпан болсам,
Арам болсам керек пе?!
Қасыңдағы елдің бәрі жел өкпе.
Теріс жолдан Алла өзі тыйдырды,
Ата – баба әруағы бір демеп те.

---