Әпкелерге

Әпкелерді ұқсатам ақ кемеге.
Бауырмал болдың екен әпке неге?!
Қолқабысың тимесе, сыйламасаң,
Сенің құның көк тиын, -Әпке- деме.
Ақжелкені шалқыған ақ кемеге,
Мінсін ол,
Шалқып тассын бақ кемеде.
Бала белде, қатынды жолда деген,
Басқа біреу басқа әпке ап келе ме?!
Әпке деген,
Бағың ол, жанашырың.
Әпке деген көздегі қарашығың.
Ініме қараймын деп жолға шыққан,
Бауырым сол,
Сол менің жанашырым.
Өмір ащы,
Кермек дәм, жүре білдің.
Қыз жауһар,
Қыз жанашыр біле білгін.
Жанашырың сол ғана, бауыр үшін,
Жартысын жұлып берер жүрегінің.
Қоримын аққу қонған айдыныңды.
Көрсетпесін Құдайым қайғы мұңды.
Әпкелерім тұрғанда шалқып жүрем,
Е Алла, көп көрмеші байлығымды.

---