Егеменім!

Егеменім, атың қандай ерек бір.
Алладан соң,
Алаш жұрты демеп тұр.
Әр өлеңді жазу үшін адамға,
Керек екен себеп бір.
Шаңырағы,
Елін сүйген алаштың.
Жаңа тарих, жаңа бетін жаңа аштым.
Шын асылға бұйырады тізгіні,
Оған неге таластың?!
Әңгіменің төркіні де осы ара.
Уақыт зулап бара жатыр, тоса ма?
Шерағамның айтқан сөзі бар еді,
-Егеменнен бұйырса – деп – босаға.
Майталмандар толып жүр-ау ішіңде.
Жақсылардың жолын жалғау үшін де.
Аққу болып ұшып кеттім мен сенен,
Қайырлы қош, түсімде.