Ырғыздық апаға арнау

Биді күтіп үйінде,
Бекті көрген.
Ырғызда бір апам бар көпті көрген.
Еңбегі мен білімін шыңдап өскен,
Бұл әженің тегі асыл, текті жерден.
Кейбіреудей жатсынып, баласынбай,
Жақсы көріп жүретін, баласындай.
Қаншама рет қолынан дәм татып ем,
Аңқылдап жүруші еді анашымдай.
Балғын едім,
Жас едім қылшылдаған.
Ерегеспей жауласпай тұрсын ба адам.
Шәйін беріп, ақырын сөз айтатын,
Жол сілтейтін ұғар деп, үнсіз маған.
Ұлық сөздер айтатын даналардан.
-Аулақ бол- деп- күйеден, жалалардан.
Ел басқарған әкім де, ақының да,
Туылады осындай аналардан!
Бұл отбасы осылай, берекелі.
Осы әжеміз ұстап тұр берекені.
Құттықтамау күнә ғой, ұлың үшін,
Біліп тұрып, бүгінгі мерекені.

---