Ақ тілек

Сұрайтын жан емеспіз жәй керегін.
Алла бермей қойса егер қайтер едің?
Жас шыбықтай ұланың өсіп өніп,
Болсын ертең мәуелі бәйтерегің.
Ұл-қыз берсе, берсе екен санасына.
Әр ана алаңдайды баласына.
Сенім артқан ұланың аман болсын,
Қамқор болсын әкеге, анасына.
Асыл мінез шығады тектілерден.
Келін берсін ибалы, текті жерден.
Немерені әлдилеп, шөбере сүй,
Құдаларың болсыншы көпті көрген.

---