Бақыт Исаева

Балдырған

Бұл бетте «Балдырған» атты Бақыт Исаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

01.11.2020
0
0
2423

Талай бала жаздырып,
Үйлеріне алдырған.
Журналы ғой сүйікті,
Оның аты «Балдырған».

«Балдырғанға» шығады,
Түрлі әңгіме, ертегі.
Қиялыңды жетелеп,
Білімге ол ертеді.

Түрлі-түсті бояумен,
Ғажап сурет салдырған.
Шуақ сыйлап ән-жырмен,
Санаңда ізгі ой қалдырған.

Ашқан сайын қызықтар,
Журналда көп қызық бар.
Баурап алып кететін,
Кроссворд, түрлі сызықтар.

Міне, осындай әдемі,
«Балдырғанның» әлемі.
Өздеріңе арналған,
Аға, апайлар сәлемі.

Жаздырып алып, балалар,
«Балдырғанды» оқыңдар.
Үйреніп одан көп нәрсе,
Ойларыңа тоқыңдар!

Бақыт Исаева тақпақ балдырған Бақыт Исаева өлеңдері

Пікірлер (0)

Пікір қалдырыңыз

Жиі қойылатын сұрақтар