Қайрат Ахмер

Сұлу махаббат

Бұл бетте «Сұлу махаббат» атты Қайрат Ахмер жазған махаббат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

16.11.2020
0
0
749

Бала күнім кешегі жоқ басымда,
Керуен жылжып барады тоқтасын ба?
Жанын жеген жегідей сенің қамың,
Қара кемпір отырған от басында.

Жақсы көред, білмедім, неменесін,
Бара жатыр арқалап немересін.
Қара кемпір, бүкір шал, қормалым-ай,
Сағыныштың қоздырған делебесін.

Күннен ыстық мейірің, ана, маған,
Сенен артық жан бар деп санамағам.
Қаршығадан жасқанған торғайың ем,
Жүрегіңді шырылдап паналаған.

Өтсе дағы дауылды бұрқасында,
Ол бақытты, анасы бар қасында.
Бұл жаһанда бар екен жалғыз сұлу,
Ана менен баланың ортасында.

Қайрат Ахмер сұлу махаббат Қайрат Ахмер өлеңдері

Пікірлер (0)

Пікір қалдырыңыз

Жиі қойылатын сұрақтар