Өлең, жыр, ақындар

Қыз сипаты

  • 09.11.2015
  • 0
  • 1
  • 27635
Бірінші бір қыз келер ақша мандай,
Жамағат - үлкен - кіші мақтағандай.
Анадан туғаннан - ақ болып дана,
Әлінше жақсыларды жақтағандай.
Құрбысын жауға бермес ол шаhыбаз,
Жолдасын сары алтындай сақтағандай.
Жүреді теңін тауып ойнап - күліп,
Сыны жоқ жұмысының ақсағандай.
Екінші бір қыз келер тілі жорға,
Ұқсаған жұмақтағы бейне хорға.
Ажары, ақша беті сағымданып,
Жарасар құлағына алтын сырға.
Үшінші бір қыз келер қара шашты,
Күлім көз, оймақ ауыз, қиғаш қасты.
Шомылған айдын көлдің аққуындай,
Отырар ағажан деп кәрі - жасты.
Төртінші бір қыз келер қара торы,
Бұлғақтар шекесіне таққан шоғы.
Өз ісін өзі білмей жұртқа күлер,
Білініп жүрсе - дағы нәзік жолы.
Бесінші бір қыз келер сұрша жайдақ,
Отырар тәуекелге белін байлап,
Көңілі жас - кәріні бірдей көріп,
Нәпсіні семіртеді майдай шайнап.
Алтыншы бір қыз келер толық сары,
Бойнына тең келмейді жанның бәрі.
Лайықты өзіне тең таппаған соң,
Кетпейді көкіректен қайғы - зары.
Жетінші бір қыз келер алым - салым,
Болғанда мойны қысқа, шашы қалың.
Әр қашан осындайға кез келеді.
Қашаннан арылмаған соры қалың.



Пікірлер (1)

Дәулет Балтабаев

Ақан серінің "Ақтоқтының зары" атты әнінің сөзі болса, жіберіңіздерші!

Пікір қалдырыңыз

Жігіттерге

  • 0
  • 0

Бір дауа бір тарқасын арман - дәртім,
Қалдырдым жігіттерге сөздің артын.
Жақсыға жасын сынап, ашық айтып,
Байлайық тиянаққа істің шартын.

Толық

Алтыбасар

  • 0
  • 0

Ей, қалқа, жан туған жоқ сенен асар,
Бұл түнде кетіп сәулем, халім нашар.
Айрылып сенен, сәулем, қайтқан түні,
Әніне бір басайын, Алтыбасар.

Толық

Балқадиша

  • 0
  • 0

Қызы едің Ыбыкеңнің, Балқадиша,
Бұралған белің нәзік тал – Қадиша.
Жиылған осы тойға қалың қыздың,
Ішінде қара басың – хан, Қадиша.

Толық

Қарап көріңіз