Өлең, жыр, ақындар

Күнә мен ғибадат

  • 21.11.2020
  • 0
  • 0
  • 876
Қайтыс болған көршіміз былтыр
Жасы жол ортадан өткенде.
Марқұм болды қатыны да биыл
Жыл уағы жеткенде.
– Еркек кісі,
Кіндіктен қазыңдар көрін! – деген сонда;
– Әйел адам, емшектен қазылсын! –
Деді енді биыл тағы сол молда.
Ойланып қалды көр қазушы:
Аз жер ме емшек пен кіндіктің арасы?!
Қалай болғаны сонда
Екі жынысты – екі көрдің бағасы?
Сұрай алмады бірақ,
Неліктен – әйелдің көрін
Неге сонша тереңдетеді?
Жоқ, әлде таяз болса,
Дей ме екен шығып кетеді.
Бар ғой тегі, әйтеу, бір кілтипаны
Жер бетінде әйел затының.
Тең болмағаны ма сонда
Екі жыныстың күнәсі мен ғибадатының?
Сақтасын тәңірім жаманатынан,
Ақылы жетпейді адамның кей іске.
Терең қазса қазсын қабірін
Тезірек барар, бәлкім, бейіске.
Сүйкімді еді өзі де марқұм
– Сондай-ақ болар,– дейтін ел, –
Сұлу қатын!
Барса барар бейіске,
Жер дейді ғой оны да
Хор қыздары – сұлулар тұратын.



Пікірлер (0)

Пікір қалдырыңыз

Айна

  • 0
  • 0

Неменеге ұқсайды ұрының қолы?
Тістеуік пе?
Жоқ әлде көлеңке деңіз.
Қарайып көрінеді портта

Толық

Шешеміз – ағаш

  • 0
  • 0

Бір тал жапырақ, жалғыз сояу,
Жоғалмайды бір бүршік –
Бір түйір тозаң,
Бір тамшы бояу.

Толық

Уақыт

  • 0
  • 0

Уақыт жақсы жолаушы тау айналып,
Күн қызуын күтеді жер табаны.
Таулар ауыр ұйқыдан ерте оянып,
Аспан-теңіз бетіне нұр толады.

Толық

Қарап көріңіз