Өлең, жыр, ақындар

Күйіп­-піспе

  • 26.11.2020
  • 0
  • 0
  • 3187
Күйкілікке күйіп­-піспе,
Күйіп­піссең – біткенің.
Күліп қара, күле білсең,
Бір жеңіске жеткенің.
Ит үрді деп сен де үрме,
Үрсең – ит боп кеткенің.
Керуеніңді кері бұрмай
Жүрсең – аттап өткенің.
Жымысқыға жаның ауырып,
Жын буса да, алдырма.
Ақымақпен алысам деп
Аяғыңнан шалдырма.
Залымдыққа ыза болып
Ізгіліктен айныма.
Зұлымдыққа зұлымдық қып
Қалма мәңгі қайғыға.
Өмір – сынақ,
Сауалы көп,
Сабырмен тап жауабын.
Өзі білер бір жаратқан
Зауалы мен сауабын!


Пікірлер (0)

Пікір қалдырыңыз

Қайда?

  • 0
  • 0

Тойға барсаң жар, жар,
Ойға барсаң, зар, зар,
Экранды ашсаң,
Ессіз күлкі дар, дар.

Толық

Жер – кеме...

  • 0
  • 0

Қара жерді кеме қылып берген құдай адамға,
Жолға салып қоя берген түпсіз ғарыш, ғаламға,
Бір кемеде жаның бірге адамзаттың баласы,
Аман- есен жүзіп жетер шегіңді ойлап амалда!

Толық

Ақыл керек...

  • 0
  • 0

Қарамастан адалға да,
Арамға,
Жеп жатырмыз,
Бәрін жауып заманға,

Толық