Өлең, жыр, ақындар

Қанас көлі

  • 27.12.2020
  • 0
  • 0
  • 944
Жазылар жыр түс көргенде бір шырын
Қалам қылсаң періштенің кірпігін.
Көкшіл шыңның көлеңкесі созылып,
Батырады көлге бөрі тұмсығын.
Ақ тұманның нұрдан жұқа етегі,
Ауаны да орап алып кетеді.
Жасыл шықты жапырақтан құлатпай,
Саусағымен самал сүртіп өтеді.
Өзен, анау, тастар қысып сайда алған,
Кіндік сынды кесу үшін байланған.
Көл ортасы шойын қазық – шоқпар тас,
Уақыт жүр мың толқынды айналған...
Жаңғырықтың саны жартас қайтарған,
Көк қынаның көбесінен байқалған...
Ақ сағымның аяулы алақанында,
Ақбоз үйлер жұмыртқадай шайқалған.
Жанған жалғыз нүктесіндей жанымның,
Қасиетті көлім,
Сені сағындым!
Босамасын жыр арқауы( тоқтайын)
Бұрымындай суда жүзген арудың...



Пікірлер (0)

Пікір қалдырыңыз

Не тілер айырбасқа келер бір бақ

  • 0
  • 0

Не тілер айырбасқа келер бір бақ,
Сендей ерке тағдырға көнем, бірақ...
Қиналам кейде күрек ұстай алмай,
Байласа саусағымды өлең шырмап.

Толық

Таң шығын ғана ішуге

  • 0
  • 0

Таң шығын ғана ішуге
Жаралған сәуле, ырыс-құт...
Сыймайтын көрген түсіме
Алғашқы тұмса тұнықтық.

Толық

Ғаламда бұрын болмаған

  • 0
  • 0

Ғаламда бұрын болмаған, білемін, жаңа бояумын,
Көктемде көбелек қанаты өткенде желпіп ояндым.
Алаяр ай – көз,
Көк аспан көргенде осы көрікті,

Толық

Қарап көріңіз