Эйфория

Төлеген де сүйді ме Жібекті шын?
Не бітпейтін күдіктер санадағы,
Неге еңкілдеп жылайды жүрек тұсың?
⠀
Жүрегіңді мекендеп торғай әні..!
Сағыныш-күз қалыпты қимастықта, -
Бәлкім, мұңды кешкем жоқ ондай әлі..
⠀
Сен де түсін. Күз түсін. "Мен де" түсін.
Жан біткеннен алшақтап сені ғана, -
Жамандыққа қиғысы келмеді ішім..
⠀
Иеленіп ойларың жүректі сұм
Мен күзден де таппадым сол бір қызды,
Сені ғана келетін жыр еткісі..
⠀
Бәлкім, мұңды кешпегем ондай әлі..
Сезем мына мазасыз жүрегімді
Тәңір бар ғой көреген - Ол да аяды!..
⠀
Бөлмедегі бір үміт - бір ақпа шам..!
Мен өмірді көрер ем тым басқаша,
Бірақ қашан?

Гүлнұр Мұратхан