Құдайға хат – Абзал Алтый

Бұл бетте «Құдайға хат» атты Абзал Алтый жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Мен бүгін тағы бір хат жаздым құдайға
Бұл қылығым білмеймін оған ұнай ма?!
Хат сыртына "аспан" дедім мекенін
Жететіндей мендегі мынау үн айға

Қазақша жаздым.
Түсіне ме?
Тағы мұң...
Тек өлгендер айта ала ма шағымын?
Түсінбесе сенделгеннен не пайда?
Арасында қарасы мен ағының

Жасырынған соншалықты ұнай ма?
Құдайды адам әлде құдай сынай ма?
Сену үшін қорқытпаса да тозақпен
Жұмағына сенер едім былай да

Мүмкін мені пенде дерсің желіккен
Өзі айтқандай жылтыр дүние еліткен
Құлшылығың қажет емес деп алып
Сиынбасам жазалайды неліктен?

Сұрағы көп жауабы аз парақтар
Дерсің тағы құдай солай жаратқан
Маңдайыма өзі жазса тағдырды
Ұрттауым да заңды шығар шараптан

Қаласа ол су шықпай па тастанда?
Әлде оған айтылу керек басқа ән ба?
Жұлдыздармен жазар деп түнде жауабын
Қарадым  тағы аспанға

Қоймаймын мен де
Хат жаздым тағы құдайға!
Бұл қылығым білмеймін оған ұнай ма?
Сүюім үшін қорқытпаса да жазамен
Сүйер едім ғой былай да...


Пікірлер (0)

Пікір қалдырыңыз

Жиі қойылатын сұрақтар

Құдайға хат өлеңінің авторы кім?

Абзал Алтый — осы өлеңнің авторы.

Құдайға хат өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Құдайға хат өлеңі не туралы?

Бұл өлеңде Абзал Алтый өз ойы мен сезімін көркем түрде жеткізеді.

Құдайға хат өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар