Әділбек Ыбырайымұлы

Ғашық жүрек созады саусақтарын

Бұл бетте «Ғашық жүрек созады саусақтарын» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.02.2021
0
1
689

«Ғашық жүрек созады саусақтарын»,
Білді ме екен арамыз алшақтарын?
Бірақ, бірақ махаббат – мәңгі жастық,
Ұмытпассың өмірдің бал шақтарын.
Көңіл жүйрік, сенімен тілдеседі,
Елес бәрі бір жүрген күн кешегі.
Көрмесе егер өзіңді жадау жүрек,
Махаббаттың не екенін білмес еді.
Сағынамын көзіңнің қарашығын,
Жасыра алмай жәутеңдер сара шынын.
Кеудемдегі жанымның бөлшегісің,
Өзің ғана, еркем-ау, бар асылым.
Сезімімді шашпағай, бағалағын,
Сен – айна көл, мен – ұшқан шағаламын.
Тартылмасын Аралдай махаббатың,
Ол суалса – мен ғайып, жоғаламын.

Әділбек Ыбырайымұлы ғашық жүрек созады саусақтарын Әділбек Ыбырайымұлы өлеңдері

Пікірлер (1)

Пікір қалдырыңыз

Жиі қойылатын сұрақтар